كسرات يتم ترديها وتداولها بين مجتمعات اهل ينبع وخاصة ممن يعشقون هذا اللون والموروث الجميل وقد تم نقله من احد المواقع الشهيرة
ينـبع بلدنـا ولا احنا غـُـرْب = ميراث من عـقب الاجدادي
فيها ترعـرعت وانـا شب = وأعـرف صدوري وميرادي

طاري على القلب مشاني = وآنا غريب الأهل والدار
ودعت ربعي وخلاني = وامسيت بين الهدى وشهار
سؤال وارد على لساني = لاشي خافي ولا أسرار
زي ديرتي ليه ما اشقاني = مهما عيوني تشوف ديار

“ينبع لها حب وحداني “= بالحيل زايد عن الأقطار
حتى الذي راح لبنانِ = وامسى فاوروبا عنه ما دار
مناخها طب لقماني= لا جو بارد ولا هو حار
دايم أبد ضد الاحزان = ينعش كما تنعش الأوتار
وما تلام لو قلت لي ثاني = في مبادل القيل والأشعار
مشتاق قلبي لأوطاني = شوق العصافير للأوكار

ياينبع اليوم ممديك=ولاعاد فيك العلاج إيفيد
نصيحتي بس وأوصيك= جمع الأحبه نهار العيد

عندي غزر ود للمودود *** ينبع وكل الذي فيها
الله وخلقه عليه شهود *** إني على الناس مغليها
كانت منابع وفيها عدود *** واليوم جفت مراويها
الطيرهاجر ونس العود *** ويبس النخل في سواقيها
ياليت ذيك الليالي تعود *** وتعود ينبع لماضيها
وأسلي الخاطر الملهود ** لجيت زائر اراضيها

ينبع عزيزة باهاليها =فيها المعزة وكَرم للضيف
اذرف دموعى لطاريها = يوم اتذكر ليالى الصيف

(( بقايا وذكريات))

ظنيت ينبع مجاري عيون =وخيوف تشبع بها النظرات
من المبارك مشيت بهون =من بعدها هلت العبرات
جذوع النخل واقفه بسكون = لازهور فيه ولاثمرات
من بعدها زاد حزني حزون = زاد الاسى بكثرة الآهات
لقيني شايب وأن محزون =أذرف دموعي مع العبرات
سألني قلي منين تكون = قلت سعودي عزتي بالذات
قالي علامك كذا مغبون = والدمع قطّـع لك الوجنات
أخذت وأعطيت في المضمون =قام يتكلم عن اللي فات
ياوليدي عشنا كثير سنون = كنا في جنه من الجنات
كان العرب يمها ياتون = للصيف ومشارك الخيرات
زرعنا فيها شجر ليمون = وكل ماالتوقع من الزهرات
من صبح ربي لها يسعون = وكل العرب من جميع جهات
كانوا فيها عدد مليون = لوجود ماها بكميــــات
الجار فيهم تراه يمون =لو في الآواخر من الساعات
للضيف كانوا ترى يقرون = ونيرانهم دوم شبابات
ماكان فيها كثير حصون =للي يجيهم في كل أوقات
سمعنا فيها كثير فنون = نقضي الليالي بها ساعات
سألت ياعم وين تكون = قالي بقايا وذكـــــــريات

في ينبع اليوم منتشرة =شيم العرب والنفوس طياب
إن جيتها بيع الحســرة = على الذي هم عنها غياب

ينبع لها السمع والطاعه=وإخلاص من داخل اعماقي
إن غبت عن أرضها ساعه=ترُدني حُرقة أشواقي

يا ينبع اليوم ودعناك =لبلاد بره تخيرنا
لكنها قلوبنا تهواك =من يوم واحد تشوقنا
وما اظن مهما لقينا هناك =عن بعدك اليوم يسعدنا
مافيه مثلك ولا يسواك=لك منزله في خواطرنا
ولو خيالك وعشنا معك =عن كل ما يشوف ناظرنا
لكن يادارنا جينك=على جناح الهوى طرنا
لاننا ما نعيش بلاك =ومن جرب البعد يعذرنا
وحبك لنا اسسه مولاك=واسسه في اكابرنا
ومن لا يحبك بعد فرقاك=مشاعره ما تبشرنا
حتى يجي طوع في يمناك=مشاعره من مشاعرنا

ينبع لنا00 روح فألاجساد = ومن فارق الروح طبعاً مات
ينبع لنا00 ود والأوداد = منها وفيها لنا بالذات
ينبع لنا 00 عشق والرواد = تاريخ حافل جديد وفات
ينبع لنا 00 حب كألاصفاد = في بحرها والنخل خيرات

عرضت قولك على الأستاد = واللي ذكرته لنا أبيات
شفناك وارث من الأجداد = لودادها مخلص النيات
ينبع بلاشك 00 فألأمجاد = والعز ياما لها جولات
رجالها فالوطن أوتاد = بإخلاصهم يرفعوا الرايات

ينبع ترى 00 إسمها إنشاد = وعيونها تغازل الوجنات
ماحد سكنها وإلا عاد = مشتاق ياصاحبي مابات
ينبع هنا 00 مرتع الأعياد = والأنس إن قلت والليلات
سكانها للوفا ميراد = مامثلهم ساعة الفزعات

لاوابي إلا تناحينا=والكل منا سكن له ديار
ماتعيضنا بدار أهالينا =ولا بحيان ذيك الدار
على ثراها تربينا=ألفه ومحبه وحسن جوار
وكل القرى مع بوادينا=مثل النخل والحصن والجار
نبكي عليها وتبكينا= ونبكي معا وقتنا الغدار
عمّق وزوّد مآسينا=من بعد ماجفّت الأنهار
مادري يجي يوم يمدينا=نجدد الماضي اللي صار
ولاتوارى أمانينا=وتصبح مع ديارنا تذكار

منين ماروح ياداري=حبك معي فالفؤاد يزيد
مانساك لو كثرت أسفاري=ولاعدت لك يوم شوفك عيد

أسمع روائع من الكسرات=من موطن القيل والمنبع
في كل تاريخها اللي فات=تميز إبداعها ينبع

لاقالوا الناس عيدنا=ولا لقينا طعم للعيد
قولوا بينبع عوايدنا=ولاتدوِّر فغير ينبع عيد

كل ما إتجه ناظري للدار= يغلب على ناظري دمعي
وادارنا اللي بقي تذكار= أخلى وقفوا عنه ربعي

لاشاف دمعي بقايا ألأمس=دمعي تناثر على أوجاني
أقضي بعدها ليالي خمس=ياصحاب والنوم ماجاني

كل حي لاعوّد لداره=يزيد أنسه عن المألوف
غير الذي قفت دياره=تكثر مآسيه مما يشوف

عصير لاذعذع النفناف=وسط النخل والنهر جاري
يطري على قلبي الميلاف= أيام من ماضي دياري

أقوال تُبهم معانيها=وأقوال كلا يراها سنان
والمبتدي في مناشيها=في وقت لد النظر من شان
( رضوى ) الذي في نواحيها=ينبع والأحباب والخلان
غبَّت ولا عاد ترعيها= وحالت ومن دونها ضلعان
أيوب ماهو العوض فيها=ولاجبل ( صُبح ) ( والنعمان )
ولاجبال ( جده ) وأراضيها=ولا بحَرها ولا الشعبان
ولا ( جبال دهلك) وما فيها=ولا ( المقرسم ) ولا ( ورقان )
ولاجبال نسمع بأساميها=ولا المسمَّى (جبل حسّان )
( رضوى ) عجيبه مراقيها=وأهدابها وارشات اغصان
( رضوى )العسل من مجانيها=( رضوى )الذي مثل غصن
البانلي طرف مغرم وينعيها =لحين ماينتظرها ثان

أهلا محمد حسن عواد=مجري الخواطر ومرسيها
الكاتب الشاعر النقاد=بادع قوافي ومبديها
أهلا وسهلا عدد وإعداد=ترحيب ( ينبع ) وأهاليها
وترجوك تكتب لها في عماد=وتقول عن كل مافيها
( ينبع ) لها ماضي الأمجاد=لولا كساد العمل فيها
( ينبع ) عزيزه على الأكباد=وأغلى من الروح نغليها

مهما لى تسىء ما ازعل==== واقابل السيئة باحسان
لكن لينبع ابد ما اقبل ===== يمسها بالاساءة انسان

مين قال ينـبع كذا تمسى00000 بعد الصباح الذى مزهر
ونظامها ساربالعكسى000000وحــــوالها كلــــها تقهر

سكناي ليله تساوي عام== ينبع دواء الروح واشفاها
سكانها للضيوف اكرام==ساس المعزه ومبناها

سلام ياديرتي ينبع ***** يلي في عزك تربينا
ليا ولجدودنا منبع ***** منساك مهما تناحينا
حبك على القلب متربع **** حاضر ومقبل وماضينا

غابت علينافي ينبع شمس= حين اشرقت شمس في جده
ولجل السفر له فوائدخمس = مسموح مع وافر الرده

واردف القريشي :
للي فراقه عطانا درس = من وافر الشوق والشده
ان مابنا من فراقه حس = من ريسه نطلب النجده

ينبع تقول الشكر لله = والخير ربي جعل فيّـه
اشكر وفضل الملك منساه= الي جعلني صناعيه
قال الجبيل الشكر معناه= نعمل ونخلص له النيه
اما الملك اسمنا سماه= وفالاسم صرنا سواسيه
ينبع تقول العمل نبداه=بالعزم وجهود مسخيه
حتى سبقنا الزمن في خطاه=ف سبعه سنوات هجريه
قال الجبيل العزم لولاه= مانفجر اجبال صخريه
نحول غزير البحر لمياه= حلوه وفيها العذوبيه
ينبع تقول العمل محلاه=ومصانع العز مبنيه
خط الانابيب مديناه= من الشرق للغرب بريه
بالجد والعزم وصلناه =رغم المسافه خياليه
ياجبيل صرحك تعلى بناه= وصروح ينبع مثاليه
وفالمملكه الخير مانحصاه=ومن ربها الخير مجزيه
وفهد عسى ربنا يحماه= خلى المناطق حضاريه
وللشعب بنك العقار اهداه= وللعلم ياكم كليه
حتى الطرق فالجبال انشاه=وانشأ مواني تجاريه
ومسجد رسول الهدى خلاه= يوسع جميع المصليه
عاش الفهد روحنا تفداه= وولي عهد السعوديه

ينبع من النيل منبعها …………………. حتي هواها عليل وهمس
عن القمر فوق موقعها……………….. ولو القدر ما اعتلتها شمس

عن ينبع نيوز

محرر صحفي

إعلانات

%d مدونون معجبون بهذه: